Untitled

Nafeel mo na ba yung kahit naraw araw kayong nagkikita ng mahal mo namimiss mo pa din sya? ganun nararamdaman ko ngayon. Di ko alam kung baket pero bigla ko na lang sya naramdaman netong paggising ko. Kala ko nga wala lang, normal lang, kaso parang hindi. Parang gusto mo sya agad tawagan, makita mayakap kaso malayo sya. Kinalimutan ko muna lahat ng toh para pumasok sa trabaho. Naligo, kumaen, nilabas ko na yung sasakyan sa garahe. Habang nagdadrive bigla ko nanaman syang naramdaman. Pagdating ko sa opisina medyo nakalimutan ko yun, daming gagawin eh. Lumipas ang pananghalian, merienda. Uwian na sawakas, pero di pa din mawala yung nararamdaman ko kaya naisipan ko ng makipagkita. Nagkita kami na may pagsalubong ng ngiti sa mga labi nya. parang masaya sya, samantalang ako halatang may nararamdamang hindi maganda. kwentuhan, kaen, palipas ng oras. Pero kahit magkasama na kami nandun pa rin yung nararamdaman ko, parang alam kong kasama ko sya, nahahawakan ko sya pero malayo pa din. Humarap sya saken at biglang may inabot, isang pirasong papel na nakatupi, wag ko daw babasahin, sabay pahabol nya ng wag daw ako magpaparamdam sakanya bukas buong araw. Walang tawag, walang txt. Tinanong ko kung baket pero ngumiti lang sya sabay sabing "secret", pag daw di ako sumunod magagalet sya, tignan daw namin kung sino mananalo, kapag nagtxt ako o tumawag, sya, kapag nagawa kong di magparamdam, ako. Lumipas ang panibagong araw. tinupad ko yung pinagawa nya saken. excited pa nga kong makita sya para sabihing natalo ko sya sa usapan namin. Dali dali akong nagpunta sakanila. Nagtaka ko na sa labas pa lang ng bahay nila ang dami ng tao, bulaklak, ilaw. Pagpasok ko ng pinto unti unti ng tumulo luha ko, di ko alam magiging reaksyon ko. Kinuha ko yung tinago kong papel na bigay nya at binasa ang nakasulat.



"Nagawa mong di magtxt at magparamdam ng isang araw :) panalo ka! oh, araw araw mong gagawin yan ah, isipin mo na lang na isang araw pa lang ang lumilipas, sorry di ako nakapagpaalam, ayokong makita mo kong nanghihina at umiiyak. mahal na mahal kita"